SUDAMA CUP ah Mizo Champion

29^th October, 2017

October ni 26-29, 2017 chhunga Chandigarh-a neih SUDAMA CUP All India Veteran Badminton Championship chu zawh niin 50+ Mens Singles ah Pu Lalthanzuala chu a champion a ni.

He Tournament khel tur hian Mizoram atangin Veteran Player pali, Pu Lalthanzuala (50+ MS), Pu K. Ramzauva (50+ MD) , Pu Lalmuanawma (35+ MS) leh Pi Ponty Lalramtluangi (35+WS) te an tel a ni. Heng Mizo Shuttlers zingah hian Pu Lalmuanawma leh Pu Lalthanzuala te chuan Final thlengin Pu Lalthanzuala chuan 50+ Mens Singles ah chakber nihna changin Pu Lalmuanawma erawh vanduaiin 35+ Mens Singles ah Runners Up a ni ta a ni.

Pu Lalthanzuala hian First Round-ah J&K lam player Vivek Singh tumin awlsam te in 21-6 leh 21-2 in chakna a chang a, hemi hnu hian Kamal Dalal, Rajasthan lam mi tum lehin he game pawh hi Pu Zuala hian a thunun hneh hle a, 21-5 leh 21-9 a chakna chang lehin Quarter Final a in vaw thleng a. Quarter Final ah hian L. Joyty Sharma, Chandigarh player chu 21-5 & 21-10 in a hneh leh bawk a ni. Semi Final ah hian Tournament Seeded No. 3, Vibor Shuarupu, Haryana mi chu tum lehin 16-21, 21-19 & 21-8 in hnehna a chang leh a. Final ah hian Seeded No. 1 Ram Lakhan, Panjab lam ni nen in hmachhawnin game hmasa hmahruai ah inhneh tawk hle mahse, Pu Zuala chu 20-22 in chakna chang zo lo mahse, game laihawlah rawn insiamtha in game a thunun hle a, game a zawh chuan 21-14 in chakna a chang a, Final game khelh leh niin Pu Zuala chuan game thunun chhunzawm zelin point ah pawh chung nung zawk niin SUDAMA CUP 50+ Mens Singles Champion ni turin 21-16 in chakna a chang leh a ni.